आदरणीय भगताही वंशावली परिवार के बाबा, दादी, काका, काकी, भैया, भौजी, भाई, भतिजा और बहिन सबके हम दस औड‌गरी जोडके गोरलाग सर्वप्रथम हम आपन परिचय दैची। हमर बाबु श्री पलट दास चौधरी भगताही भेल । हुनकर जेठका बेटा, भूमी राज चौधरी, मैझला बेटा योगराज चौधरी और हम छोटका बेटा दुर्योधन भगताही चौधरी। हमर घर गा.वि. स. ठेलिया,  वडा नं. ५ बकसाहा, सप्तरी और हाल कंचनरूप न. पा. ११ बकसाहा, सप्तरी भेल । हम भगताही वंशावली परिवार अन्तर्गत पुस्ता नम्बर १३ मे परैचीये। हमर पेशा सवारी चालक (इमिर) चियै। * वास्तव मे पहिनेका बुढ पुरान सब मुहैसे गोर गोष्टि परहै छले और ओकरा सबके मुँह मे याद रहे छेलै । लेकिन आबके दिनसमे मे गोर गोष्टि मुहसे फरियाई ले नै सकै बला भेले, तौ हेतु बुढवा, युवा सब सोच विचार करल कै से कनाखे त गोर गोष्टि और अपन दर- दियाद के पहिचान, नाता और सम्बन्ध नै रहते दिनानु दिन हराईले जेलै वैसे अबके पढल लिखल बढ़वा और छौरा सब सोचलक जे आव एकरा केनासे जोगाव और पुस्तौ पुस्ताक राखब त येकै लेल एक आपसमे चिन्तन, मनन और विचार करलक जे हमसब भगवाही वंशावली के वंश के पहिचान राखेके लेल किताब छपाईके सोच लक और विभिन्न जिल्ला नगर, गाउँमे रहल सबके नाम, गाम, देणान्ते सब संकलन करेकै लेल पटक-पटक बैठक, सभा और सम्मेलन करेके आयोजना करलक और किताब छपाईलक के किताब छापाइला के बाद सबके समेटल नै होतै त फेर बैठक सभा, सम्मेलन जिल्ला जिल्ला में आयोजना करलक और छुटल सबके नाम, ग्राम, देशाला और जिल्ला के द्वारा संकलन करैत गेल। लेकिन ये किसीमसे, संकलन करलाहा से बहुत सुमच । खर्च, और मिहिनेत लागे है। ते हेतु येकरा कम समयमे कम खर्च मे जल्दी केना के हेतई कहिके जे मिति 2076/09/19 गते चौदण्डी न.पा. वडा नं. ५ सिवाई उदयपुर मे छलफलके लेल भेला मेल और पुनः मिती 2078, 29 गते फाल्गुन मे शैनदिन बसवीही, सुनसरी में चनुलाल चौधरी और झरीलाल चौधरीके अगना मे किताब विमोचन करेके लेल सम्मेलन राखल गेलै । मेनहा सम्मेलन मे येहा बात रखल गेलैकी आब कम्प्यूटर और इन्टरनेट के माध्यमहे अखुनका समयमे बहुत छिटो छरितो और आसानी से बहुतो तथ्यांक सब एप्प संचालन कैरेके लेल छलफल करल गेले। वास्तव में अखने का समय कम्प्युटर और इन्टरनेटके युग है जेकी हरेक आदमी के पासमे मोबाइल और इन्टरनेट के पहुच हैं। तेहेतु यै किसीम से भगताही वंशावली परिवारले प्रत्येक गाव, दाम, जिल्लामे रहल सबै इन्टरनेट के माध्यम से घर-घर मे और हात हात पहुंचें और पहुचाये त बहुत बड़का उपलब्धी प्राप्त हेते। यतेक कहैत आब हम भगवाही पंशावली परिवार के सबके गोर लागत आपण बात टुङ्‌गया लेल अनुमति माँगेची । और और गोर लागेची | धन्यवाद।

दुर्योधन चौधरी